Na valutazion prufesciunela dla fidanza de credit de firmes

Abinëde ora Vosta fidanza de credit y nsci la sciazeda dla probabltà che Vosta firma ie bona de ti sté do a si duvier de paiamënt y nuzëve dla crëta che giapëis nsci dala banches y dai partner.

Südtirol Rating fej na valutazion prufesciunela dla fidanza de credit de firmes. La possa vester de utl coche sigil de bontà che dij truep ti raporc cun banches, furnitëures, tlienc y d’autra istituzions publiches, per se fé plu saurì a ruvé permez a funtanes de finanziamënt nueves y per smendré i cosć. Tres l Südtirol Rating à l mpreser na posizion plu sterscia a marciadé y l resultat possa nce unì tëut ca per abiné sce n cajo nvestidëures che mët da garat si mesuns. Tl medem mumënt cuntrolea Südtirol Rating sce la va de ruvé permez al “Fondo Centrale di Garanzia”, ulache n possa giapé garanzies dl stat per finanziamënc dl 90%.

L rating ie metù adum da na pert che à da nfé cun la finanza y da n’autra sun la fidanza de credit. La pert sun la finanza tën cont de zifres defrëntes de referimënt al bilanz aldò de si pëis defrënt. La pert sun la fidanza de credit fej referimënt ai dac dla Zentrela dla risies (Centrale dei Rischi) dla “Banca d’Italia” y tën cont dla variables coche la mesura de se nuzé de credic che ie da garat y i caji de ne vester nia curii che possa unì a se l dé. Cun l rating vëniel calculà la probabltà de na perduda aldò dla statistica, che fej referimënt al portfolio dl “Fondo Centrale di Garanzia”, tenian cont de criters defrënc coche la forma giuridica dla firma o l ciamp.

Per fé n rating iel de bujën de n estrat dla Zentrela dla risies (Centrale dei Rischi). Per sozieteies de persones y firmes de una na persona iel de bujën sëuraprò la detlarazions dla chëutes (Modello UNICO) y de n bilanz de saldo di ultimi doi ani.